निळवंडे कालव्याचे पाणी बंधारे-पाझर तलावांपर्यंत पोहोचणार; वितरिका क्र. ४ची कामे युद्धपातळीवर पूर्ण करण्याचे आमदार काळेंचे निर्देश

कोपरगाव : निळवंडे कालव्याच्या पाण्याचा परिसरातील बंधारे व पाझर तलाव भरण्यासाठी प्रभावी वापर करण्याच्या दृष्टीने आमदार आशुतोष काळे यांनी पुढाकार घेतला आहे. याच अनुषंगाने मंगळवारी (दि. १७) त्यांनी निळवंडे कालव्याच्या वितरिका क्र. ४च्या कामांची प्रत्यक्ष पाहणी करून प्रलंबित कामे युद्धपातळीवर पूर्ण करण्याच्या सूचना पाटबंधारे विभागाच्या अधिकारी व ठेकेदारांना दिल्या.

ही कामे पूर्ण झाल्यानंतर निळवंडे कालव्याचे पाणी परिसरातील बंधारे व पाझर तलावांमध्ये सोडण्याचा मार्ग अधिक सुकर होणार आहे. त्यामुळे धोंडेवाडी, जवळके, बहादराबाद, शहापूर परिसरातील शेतकऱ्यांना सिंचनासाठी पाण्याचा लाभ मिळण्यास मदत होणार आहे.

यावेळी कृषी विभागाच्या सायली बेंडकुळे यांच्यासह पाटबंधारे विभागाचे अधिकारी, संबंधित ठेकेदार आणि परिसरातील शेतकरी मोठ्या संख्येने उपस्थित होते.

कोपरगाव वृत्तवेध ऑनलाईन : राजेंद्र सालकर

👍 बातमी आवडली? शेअर करा | 💬 प्रतिक्रिया कमेंटमध्ये नोंदवा | 📲 ताज्या अपडेटसाठी ‘वृत्तवेध’सोबत जोडलेले रहा.

इतर बातम्या

LEAVE A REPLY

Please enter your comment!
Please enter your name here

Stay Connected

0FansLike
0FollowersFollow
0SubscribersSubscribe
- Advertisement -spot_img

ताज्या बातम्या