शिर्डी : देशाच्या माजी आयपीएस अधिकारी किरण बेदी यांनी गुरुवारी शिर्डी येथे श्री साईबाबांच्या समाधीचे दर्शन घेतले. साईसमाधीसमोर त्यांनी भक्तिभावाने प्रार्थना करत साईंचे आशीर्वाद घेतले.
दर्शनानंतर श्री साईबाबा संस्थानच्या वतीने उपमुख्य कार्यकारी अधिकारी भिमराज दराडे यांनी किरण बेदी यांचा शाल व स्मृतिचिन्ह देऊन सत्कार केला. यावेळी संस्थानचे जनसंपर्क अधिकारी दिपक लोखंडे उपस्थित होते.
देशातील प्रशासकीय सेवेत उल्लेखनीय योगदान दिलेल्या किरण बेदी यांच्या शिर्डी भेटीची भाविकांमध्येही उत्सुकता होती. साईदर्शनानंतर त्यांनी संस्थानच्या पदाधिकाऱ्यांशी संवाद साधत शुभेच्छा स्वीकारल्या.
👍 बातमी आवडली? शेअर करा | 💬 प्रतिक्रिया कमेंटमध्ये नोंदवा | 📲 ताज्या अपडेटसाठी ‘वृत्तवेध’सोबत जोडलेले रहा.
